थप ४५१ जनामा कोरोना संक्रमण पुष्टि, संक्रमित सं‌ख्या ६२११ पुग्यो

काठमाडौं । नेपालमा थप चार सय ५१ जनामा कोरोना भाइरस संक्रमण देखिएको छ । ३५ जना महिला र चार सय १६ जना पुरुष गरी थप चार सय ५१ जनामा कोरोना संक्रमण पुष्टि भएको हो ।

योसँगै नेपालमा कोरोना भाइरस संक्रमितको संख्या ६ हजार २ सय ११ पुगेको छ । स्वास्थ्य तथा जनसंख्या मन्त्रालयका अनुसार कुल संक्रमितमध्ये चार सय ७१ जना महिला छन् भने ५ हजार ७ सय ४० जना पुरुष रहेका छन् । हालसम्म मुलुकको ७३ जिल्लामा कोरोना संक्रमण फैलिसकेकाे छ ।