काठमाडौँ । नेपाली क्रिकेटर सन्दीप लामिछानेलाई कोरोना भाइरसको संक्रमण पुष्टि भएको छ । आफूलाई कोरोनाभाइरस पोजेटिभ देखिएको लामिछानेले शनिबार सामाजिक सञ्जालमार्फत जानकारी दिएका छन् ।
शनिबार बिहान ट्वीट गरेर उनले आफूलाई कोरोना संक्रमण भएको जानकारी दिएका हुन् । कोरोना संक्रमण पुष्टि भएपछि होम आइसोलेसनमा बसेका लामिछानेले गत बुधबार शरीर दुख्ने समस्या देखिए पनि अहिले सुधार हुँदै गएको जानकारी दिएका छन् ।
संक्रमणमुक्त भएलगत्तै फिल्डमा फर्केने बताएका लामिछानेले ट्वीटमा भनेका छन्, ‘सबै राम्रो हुँदै गए म फिल्डमा पुनः फर्किने छु । तपाईँहरुको प्रार्थनामा मेरा लागि पनि स्वास्थ्य लाभको कामना गरिदनु होला ।’
