वर्षा शिवाकोटीको प्रेममा पल शाह (भिडियाे)

२८ भदौ, काठमाडौँ ।
गायक किशोर शिवाकोटीको स्वर रहेको पर्ख तिमीलाई बोलको गीत युट्यूबमा सार्वजनिक गरिए लगत्तै चर्चामा आएको छ ।

प्रेम, रोमान्स र वैँशालु उमेरमा एक युवक र युवतीले देखाउने उत्ताउलोपना र त्यसभित्र लुकेको मायालाई भिडियोमा देखाउन खोजिएको छ । जहाँ मायालुले चाहेर नचाहेर यौवन छल्काइरहेका दृश्य हेर्ने पाठकलाई मज्जाले छुनेगरी भिडियोमा चर्चित अभिनेता पलशाह र अभिनेत्री वर्षा शिवाकोटीलाई निर्देशक निकेश खड्काले प्रस्तुत गरेका छन् ।

सत्य स्वरुप आचार्यको संगीत र एकनारायण भण्डारी शब्द रचना रहेको गीतको भिडियोमा अभिनेता शाह र अभिनेत्री शिवाकोटीले निखारिएको अभियन गरेका छन् ।

गायक शिवाकोटी अमेरिकामा रहँदै आएका एक कुशल गायक हुन । उनले गुडी जाने रेल, आमा तिमी कहाँ छौ, गुराँश फुल्यो बनैमा, लगायतका चर्चित गीतहरु सार्वजनिक गरिसकेका छन् । उनी अमेरिकामा रहेर पनि नेपाली संगीत क्षेत्रमा सक्रिय रहँदै आएका छन् ।