असोज २, काठमाडौं । पाँच दिनअघि ‘मिस्टर काठमाडौं’को उपाधि जितेका प्रकाश राईको बुधबार बिहान हृदयघातका कारण निधन भएको छ। ४५ वर्षीय राईलाई बिहान हृदयघात भएपछि तत्कालै उपचारका लागि ग्रान्डी अस्पताल पुर्याइएको थियो, तर उनको ज्यान जोगाउन नसकिएको अस्पतालले जनाएको छ।
मोरङको बेलबारी घर भएका राईले ७५ केजी माथिको तौल समूहमा प्रतिस्पर्धा गर्दै ओभरल भिडन्तमा ‘मिस्टर काठमाडौं’को उपाधि जितेका थिए।
राई टीम म्यानेजरसहित होटलमा बस्दै आएका थिए ।
‘टीम म्यानेजरले पानी खाउँ दाइ ? भन्दा खाउँ भनेपछि पानी तताउन लाग्दा प्रकाश कोल्टे परेको देखेर सीपीआर दिएका रहेछन् । तत्कालै अस्पताल पुर्याइएको छ’, मिस्टर काठमाडौं आयोजक काठमाडौं जिल्ला बडि बिल्डिङ संघका अध्यक्ष सुरेश सुवेदीले जानकारी दिए । राईको निधनपछि उनका आफन्त मोरङबाट काठमाडौं आइपुगेका छन्।
