काठमाडौँ, वैशाख १४ । सुनको मूल्यमा सामान्य वृद्धि भएको छ । आइतबार घरेलु बजारमा सुनको मूल्य १ सय रुपैयाँले बढेको छ ।
यससँगै सुनको मूल्य प्रतितोला १ लाख ८९ हजार ७ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
गत शुक्रबार भने सुनको मूल्य १ हजार रुपैयाँले घटेको थियो । उक्त दिन सुन मूल्य प्रतितोला १ लाख ८९ हजार ६ सय रुपैयाँमा कारोबार भएको थियो ।
आज चाँदीको भाउ भने घटेको छ । चाँदीको मूल्य आज १० रुपैयाँले घट्दै प्रतितोला १ हजार ९९० रुपैयाँ कायम भएको छ ।
