आज मिति २०८२ साल साउन १८ गते आइतबार, यस्तो छ तपाईको राशिफल

चितवन, साउन १८-

वि.सं.२०८२ साल साउन १८ गते आइतबार, यस्तो छ ज्योतिषी भुपेन्द्र राज घिमिरेले तयार पार्नुभएको राशिफल:

मेषः

वादविवाद तथा झगडा हुन सक्नेछ । काममा बाधा व्यवधन आउने छ । विभिन्न सकारात्मक कार्यहरुको लागि धन तथा वैद्धिक श्रम खर्च हुनेछ । पानी, पौडी खेल्न तथा जलिय पदार्थहरुबाट टाढा रहनु नै बेस हुनेछ ।

वृषः

यात्रा तथा सवारीसाधनबाट फाईदा हुनेछ । व्यवसायिक कार्यमा सफलता मिल्नेछ । शैक्षिक क्षेत्रमा नसोचेको सफलता प्राप्त हुनेछ । परिवार, सन्तान तथा प्रेमी– प्रेमिकाको साथसहयोग प्राप्त हुने समय छ ।

मिथुनः

व्यापार व्यवसायमा राम्रो फाइदाहुने दिन रहेको छ । धन आर्जनगर्ने अवसर मिल्नेछ । शत्रुवर्ग परास्त हुनेछन् । आफुले थालेका तथा आँटेका कार्यहरुमा सफलता प्राप्त हुनेछ । दिगो योजनाहरू अघि बढाउँदा लाभ मिल्नेछ ।

कर्कटः

परिवारबाट राम्रो साथसहयोग मिल्नेछ । आर्थिक उन्नति तथा प्रगतिको योग रहेको छ । शैक्षिक सफलता मिल्नेछ । लामो समयदेखि प्रतीक्षा गरिएको काम पूरा हुनेछ । दाम्पत्य जीवन सुखमय हुनेछ ।

सिंहः

परिवार तथा सन्तानबाट असहयोग प्राप्त हुनेछ । रोजगारी तथा व्यवसायबाट फाइदा हुनेछैन । नोकरी वा पेशामा अरुको लागि समय र बुद्धि खर्च गर्नुपर्ला । सांस्कृतिक क्षेत्रमा रुचि बढेर जानेछ ।

कन्याः

श्रीवृद्धि तथा ख्यातिको प्राप्ति हुनेछ । मान प्रतिष्ठा बढ्ने योग छ । आज अधुरो र नयाँ कार्यको थालनी हुनेछ । नयाँ रोजगारी प्राप्तीको सम्भावना छ । सामाजिक कार्यमा रुचि जाग्नुका साथै रमाइलो यात्राको योग पनि रहेको छ ।

तुलाः

मीष्ठान्न भोजन तथा स्वर्णादि वस्तुको लाभहुने दिन रहेको छ । धनार्जन गर्ने अवसर मिल्नेछ । नोकरी गर्नेले मानसम्मान पाउने छन् । लगनशीलताले कामहरू अगाडि बढ्नेछन् ।

बृश्चिकः

आँटेको र ताकेको कार्य पुरा होला । मानसम्मान मिल्नेछ । रोकिएका कामहरु पुरा हुनेछन् । मिष्ठान्न भोजनको अवसर जुट्नेछ । आफूसँग भएको क्षमता प्रदर्शन गर्ने अवसर जुट्ने छ । महिला वा मित्रबाट विशेष सहयोग मिल्नेछ ।

धनुः

कुरा काट्नेहरु प्रसस्त भेटिनाले अपयश मात्र हात लाग्ने समय छ । पछिका लागि केही वस्तु त्याग्नुपर्ने हुन सक्नेछ । खर्च लागे पनि रोकिएका काम बन्नेछन् । शुभचिन्तकहरूको सुझावलाई बेवास्ता गर्दा दुःख पाइनेछ ।

मकरः

पराक्रम बढने तथा काममा सफलता मिल्नाले मन प्रसन्न रहनेछ । अध्ययनको क्षेत्र सफल रहनेछ । प्यारो साथीसँग तथा आफन्तसँग समय पनि बित्नेछ । प्रेमसम्बन्ध र प्रणयप्रसङ्गका लागि श्रेष्ठ समय रहेको छ ।

कुम्भः

आज ऐश्वर्य प्राप्त हुनेछ । मनले चिताएको काममा सफलता मिल्ने योग छ । प्रतिष्ठित कार्य गर्ने समय रहेको छ । मानसम्मानमा वृद्धि हुनेछ । व्यापारव्यवसायमा मनग्य धनलाभ हुनेछ ।

मीनः

अध्ययन अध्यापनमा रुचि वढने छ । रोजगारी तथा व्यवसायबाट फाइदा हुने योग छ । नयाँ काममा जग बसाउने समय छ । कामको सन्दर्भमा पदासीन व्यक्तिहरूसँग मित्रता बढ्नेछ । आसै मारेको काम समेत सम्पादन हुनेछ ।